Multi Round Digital Quiz मा निम्न अनुसारका आठवटा राउण्डहरू हुनेगर्दछन् । प्रत्येक राउण्डका आफ्ना आफ्नै नियमहरू हुने गर्दछन् । यस्ता नियमहरूलाई त्यो राउण्डको नामसँगै दिइएको छ । त्यसका अतिरिक्त सबै राउण्डका साझा केही नियमहरू हुन्छन् जसलाई Quiz Rules अन्तर्गत दिइएको छ । नियमहरू निम्नानुसार छन्ः
1. Quiz Rules
1) हाजिरीजवाफ प्रतियोगितालाई General Round, Multiple Choice Round, Audio Round, Visual Round, Audio-Visual Round, Pick Your Clue Round, Choose Your Field Round, Rapid Fire Round गरी आठवटा राउण्डहरूमा संचालन गरिनेछ ।
2) प्रतियोगिताको शुरूमा प्रतियोगी बस्ने ठाउँ गोलाप्रथाद्वारा निर्धारण गरिनेछ । त्यसपछि पुरै प्रतियोगिता भरी बस्ने ठाउँ परिवर्तन गरिने छैन ।
3) प्रश्नको उत्तर दिँदा तोकिएको समय भित्र टोली नेताले दिएको उत्तरलाई मात्र मान्यता दिइनेछ ।
4) प्रतियोगीहरूले खाली कागज र कलम बाहेक कुनै किसिमका कापी, किताब वा मोबाइल आफ्नो साथमा राख्न वा प्रयोग गर्न पाइने छैन ।
5) प्रतियोगीले उत्तर दिन थालेपछि समय सकिएमा पनि उसलाई उत्तर पुरा गर्ने अवसर दिइने छ ।
6)प्रतियोगीले दिएको उत्तर प्रष्ट नभएमा आयोजक समितिले दोहोर्याएर उत्तर दिन लगाउन सक्नेछ । यसरी दोहोर्याएर उत्तर दिँदा उत्तरमा फरक पर्यो भने पछिल्लो उत्तरलाई उसको आधिकारिक उत्तर मानिनेछ ।
7)पहिलो पटक प्रश्न सोधिसकेपछि समयको गणना शुरू गरिनेछ । तर प्रतियोगीले प्रश्न नबुझेर सोधेमा त्यो समय उत्तर दिनुपर्ने समयमा नै गणना हुनेछ ।
8) प्रतियोगिताको समयमा कुनै कुरामा विवाद भएमा आयोजक समितिको निर्णय अन्तिम हुनेछ ।
9) आयोजक समितिले कुनै पनि प्रश्नलाई जुनसुकै अवस्थामा पनि रद्ध गर्न सक्नेछ । यसरी कुनै प्रश्न रद्ध भएमा त्यसको सट्टा अर्को कुनै प्रश्न सोध्न सकिनेछ ।
10) प्रत्येक राउण्डसँग सम्बन्धित नियमहरू त्यसै राउण्डको शुरूमा सुनाइनेछ ।
11) प्रतियोगीले प्रश्न रोज्ने पालो क्रमशः घडीको दिशामा र घडीको विपरित दिशामा निर्धारण गरिनेछ । यसरी निर्धारण गर्दा अघिल्लो राउण्ड जहाँ गएर समाप्त भएको हो, अर्को राउण्ड त्यहीँबाट शुरू गरिनेछ ।
12) प्रतियोगिताको अन्त्यमा दुई वा दुईभन्दा बढी समुहको कुल अंक बराबर भएमा जुन स्थानको लागि अंक बराबर भएको हो, त्यसै स्थानको लागि मात्र निर्णायक प्रतियोगिता गरिनेछ ।
13) यसरी निर्णायक प्रतियोगिता गर्दा बराबर अंक हुने समुहलाई मात्र राखेर प्रति समुह एक वटाको दरले General Round कै नियम प्रयोग गरेर प्रतियोगिता गराइनेछ ।
14) यस्तो निर्णायक प्रतियोगिता दुईपटक सम्म गर्दा पनि निर्णय नभएमा गोलाप्रथाद्वार निर्णय गरिनेछ ।
2. General Round Rules
1) यो राउण्डमा प्रत्येक समुहलाई दुईवटाको दरले प्रश्नहरू सोधिनेछ ।
2) प्रश्न सोधिएको पहिलो समुहले उत्तर दिनको लागि ३० सेकेण्ड समय पाउनेछ भने पास भएका समुहले १५ सेकेण्डका दरले समय पाउनेछन् ।
3) प्रश्न सोधिएको प्रतियोगीले उत्तर मिलाएमा १० अंक र पास भएको प्रतियोगीले उत्तर मिलाएमा ५ अंक पाउनेछ भने उत्तर गलत भएमा कुनै अंक गुमाउने छैन ।
3. Multiple Choice Round Rules
1) यो राउण्डमा प्रति समुह एउटाको दरले प्रश्नहरू सोधिनेछ ।
2) प्रत्येक प्रश्नको उत्तरको लागि चारवटा विकल्पहरू देखाइनेछ, जसबाट प्रतियोगिले सही उत्तर छान्नुपर्ने हुन्छ ।
3) उत्तर दिनको लागि प्रतियोगिले ३० सेकेण्डको समय पाउनेछ ।
4) यो राउण्डका प्रश्नहरू एक समुहबाट अर्को समुहमा पास हुने छैनन् ।
5) प्रतियोगीले उत्तर मिलाएमा १० अंक पाउनेछ भने उत्तर गलत भएमा कुनै अंक गुमाउने छैन ।
4. Audio Round Rules
1) यो राउण्डमा प्रति समुह एउटाको दरले प्रश्नहरू सोधिनेछ ।
2) प्रश्न सोध्नुभन्दा पहिले एउटा अडियो क्लिप सुनाइनेछ । यो क्लिप दोहोर्याएर नसुनाइने भएकोले सबै समुहले ध्यान दिएर सुन्नु पर्नेछ ।
3) अडियो क्लिप बन्द गरेपछि त्यो क्लिपसँग सम्बन्धित प्रश्न सोधिनेछ ।
4) प्रश्न सोधिएको पहिलो समुहले उत्तर दिनको लागि ३० सेकेण्ड समय पाउनेछ भने पास भएका समुहले १५ सेकेण्डका दरले समय पाउनेछ ।
5) प्रश्न सोधिएको प्रतियोगीले उत्तर मिलाएमा १० अंक र पास भएको प्रतियोगीले उत्तर मिलाएमा ५ अंक पाउनेछ भने उत्तर गलत भएमा कुनै अंक गुमाउने छैन ।
5. Choose Your Field Round Rules
1) यो राउण्डमा प्रति समुह एउटाको दरले प्रश्नहरू सोधिनेछ ।
2) प्रतियोगीले आफुलाई प्रश्न सोधिने क्षेत्र रोज्न पाउनेछ । उसले रोजेकै क्षेत्रको एउटा प्रश्न सोधिनेछ ।
3) प्रश्न सोधिसकेपछि उत्तर दिनको लागि १ मिनेटको समय पाउनेछ ।
4) दुई वा दुई भन्दा बढी उत्तर आउने प्रश्न भएमा सबै उत्तर ठिक भएमा मात्र उत्तर मिलेको मानिनेछ ।
5) प्रतियोगीले दिएको उत्तर मिलेमा २० अंक पाउनेछ भने उत्तर गलत भएमा १० अंक गुमाउनेछ । तर पास गरेमा कुनै अंक गुमाउने छैन ।
6) यो राउण्डको कुनै पनि प्रश्न एक समुहबाट अर्को समुहमा पास हुने छैन ।
6. Visual Round Rules
1) यो राउण्डमा प्रति समुह एउटाको दरले प्रश्नहरू सोधिनेछ ।2) प्रश्न सोध्नुभन्दा पहिले एउटा फोटो देखाइनेछ । यो फोटो दोहोर्याएर नदेखाइने भएकोले सबै समुहले ध्यान दिएर हेर्नु पर्नेछ ।3) फोटो हटेपछि त्यो फोटोसँग सम्बन्धित प्रश्न सोधिनेछ ।4) प्रश्न सोधिएको पहिलो समुहले उत्तर दिनको लागि ३० सेकेण्ड समय पाउनेछ भने पास भएका समुहले १५ सेकेण्डका दरले समय पाउनेछ ।5) प्रश्न सोधिएको प्रतियोगीले उत्तर मिलाएमा १० अंक र पास भएको प्रतियोगीले उत्तर मिलाएमा ५ अंक पाउनेछ भने उत्तर गलत भएमा कुनै अंक गुमाउने छैन ।
7. Pick Your Clue Round Rules
1) यो राउण्डमा प्रति समुह एउटाको दरले प्रश्नहरू सोधिनेछ र उत्तर दिनको लागि ३० सेकेण्ड समय दिइनेछ ।
2) प्रश्न सुनिसकेपछि प्रतियोगीले सही उत्तर दिएमा २० अंक प्राप्त गर्नेछ ।
3) प्रतियोगीले क्लु लिन सक्नेछ । यसरी क्लु लिएमा पहिलो क्लु दिएपछि १५ सेकेण्ड समय दिइनेछ ।
4) पहिलो क्लु लिएपछि निर्धारित समय भित्र सही उत्तर दिएमा १० अंक प्राप्त गर्नेछ ।
5) प्रतियोगीले दोश्रो क्लु पनि लिन सक्नेछ । यसरी दोश्रो क्लु लिएमा क्लु दिएपछि पुनः १५ सेकेण्ड समय थपिनेछ ।
6) दोश्रो क्लु लिएपछि निर्धारित समयभित्र सही उत्तर दिएमा ५ अंक प्राप्त गर्नेछ ।
7) जुनसुकै चरणमा पनि गलत उत्तर दिएमा प्रतियोगी समुहले १० अंक गुमाउनेछ । तर पास गरेमा कुनै अंक गुमाउने छैन ।
8) यो राउण्डको कुनै पनि प्रश्न एक समुहबाट अर्को समुहमा पास हुने छैन ।
8. Audio-Visual Round Rules
1) यो राउण्डमा प्रति समुह एउटाको दरले प्रश्नहरू सोधिनेछ ।
2) प्रश्न सोध्नुभन्दा पहिले एउटा भिडियो देखाइनेछ । यो भिडियो दोहोर्याएर नदेखाइने भएकोले सबै समुहले ध्यान दिएर हेर्नु पर्नेछ ।
3) भिडियो बन्द भएपछि त्यो भिडियोसँग सम्बन्धित प्रश्न सोधिनेछ ।
4) प्रश्न सोधिएको पहिलो समुहले उत्तर दिनको लागि ३० सेकेण्ड समय पाउनेछ भने पास भएका समुहले १५ सेकेण्डका दरले समय पाउनेछ ।
5) प्रश्न सोधिएको प्रतियोगीले उत्तर मिलाएमा १० अंक र पास भएको प्रतियोगीले उत्तर मिलाएमा ५ अंक पाउनेछ भने उत्तर गलत भएमा कुनै अंक गुमाउने छैन ।
9. Rapid Fire Round Rules
1) यो राउण्डमा प्रत्येक समुहलाई बढीमा १० वटा सम्म प्रश्नहरू सोधिनेछ ।
2) प्रश्न सोधिसके पछि सहभागी समुहले सही उत्तर दिएमा वा पास गरेमा मात्र अर्को प्रश्न सोधिनेछ ।
3) सहभागीले जम्मा २ मिनेटको समय पाउनेछ ।
4) प्रत्येक सही उत्तरले १० अंक पाउनेछ भने गलत उत्तरले कुनै अंक गुमाउने छैन ।
5) यो राउण्डको कुनै पनि प्रश्न एक समुहबाट अर्को समुहमा पास हुने छैन ।